ЈАВЕН ПОВИК
до невработените лица од територијата на општина Пехчево за работно ангажирање за изведување на Јавни работи 2018 год.
Општина Пехчево има потреба од работно ангажирање на работници за извршување на работи од јавен интерес и согласно на тоа се повикуваат сите евидентирани невработени лица со ниски квалификации од територијата на општина Пехчево кои се заинтересирани за вклучување во Јавни работи во проекти од инфраструктурен карактер и заштита на животната средина да се пријават во просториите на АВРМ, Биро за вработување, Канцеларија Пехчево и да пополнат соодветна Пријава за учество.
Јавниот оглас трае 5 (пет) работни денови од денот на објавувањето односно заклучно со 11.06.2018 год. (понеделник)
Селекцијата на заинтересираните пријавени кандидати ќе биде извршена од Комисија формирана од страна на Градоначалникот на општина Пехчево со претставници од општинската администрација, Меѓуопштинскиот центар за социјални работи и АВРМ, Биро за вработување.
Заинтересираните невработени лица потребно е да носат документ за лична идентификација за да можат да пополнат ПРИЈАВА ЗА УЧЕСТВО за невработени лица во мерката Јавни работи и ИЗЈАВА ЗА СОГЛАСНОСТ.
За спроведување на предвидените проектни активности од делокругот на Јавни работи предвидена е финансиска поддршка во износ од 400 денари по ангажирано лице, дневно со вклучен персонален данок на доход и осигурување во случај на несреќа при работа и професионално заболување.
Селектираните невработени лица ќе бидат работно ангажирани од страна на општина Пехчево за период најмногу до 22 (дваесет и два) дена.
Условите, правата и обврските ќе бидат уредени со склучување на договор помеѓу Општина Пехчево и селектираните невработените лица.
На корисниците на социјална помош за времетраење на работното ангажирање ќе им биде активно правото на користење на социјална помош.
Заинтересираните невработени лица можат да поднесат соодветни Пријави во просториите на АВРМ, Биро за вработување, Канцеларија Пехчево, секој работен ден од 09:00 до 15:00 часот.
Детални информации за Оперативниот план за активни програми и мерки за вработување и услуги на пазарот на трудот и мерката Јавни работи можат да се добијат на веб страната на општина Пехчево www.pehcevo.gov.mk, Агенцијата за вработување на РМ www.avrm.gov.mk и веб страната на Министерството за труд и социјална политика www.mtsp.gov.mk или во просториите на општина Пехчево, Канцеларија за Локален економски развој и во Работниот клуб на Центарот за вработување, односно во просториите на АВРМ, Канцеларија Пехчево.
