Од ВМРО-ДПМНЕ на фејсбук ја објавија кандидатската листа за членови на Совет при Советот на општина Делчево, за претстојните локални избори кои ќе се одржат на 15 октомври 2017 година.
Во оваа кандидатска листа партиципираат досега најголем број на политички партии на локално ниво во Делчево споредено со сите досегашни изборни циклуси на локални избори што некогаш биле предложени на граѓаните во оваа општина.
Од партијата соопштуваат дека оваа состојба е таква поради огромниот револт и спротивставување на политиките кои СДСМ ги спроведува на национално ниво околу преминување преку црвените линии на националните интереси на Македонскиот народ и целосната партизација како и подривање на работата на институциите на државата, за што мора со здружени цили да се спречи оваа катастрофа. Првиот тест на кој граѓаните ќе треба најсилно да се спротивстават на овие лоши политики на СДСМ е на претстојните локални избори, со масовна поддршка на оваа здружена опозиција а потоа и барање на брзи предвремени парламентарни избори.
На кандидатската листа за членови на Советот на општина Делчево во наредниот мандат на ВМРО-ДПМНЕ партиципираат и ВМРО-Народна партија на Љубчо Георгиевски, Граѓанската опција за Македонија на Стевче Јакимовски и Демократските сили на ромите на Шабан Салиу.
Кандидати за советници од оваа листа се:
1.Сашко Ивановски-(ВМРО-ДПМНЕ)-Истакнат просветен работник, наставник по Математика, моментално Директор на ООУ “Ванчо Прќе” Делчево;
2. Николчо Ситновски-(ВМРО-НП)-Дипломиран педагог, моментално невработен;
3.Билјана Георгиевска-(ВМРО-ДПМНЕ)-Истакнат лекар-доктор специјалист по психијатрија, моментално вработена во ЈЗУ ЗД “Гоце Делчев” Делчево;
4.Вице Стоилов-(ГРОМ)- Дипломиран правник, Приватен стопанственик;
5.Ванчо Велиновски-(Социјалистичка партија)-Дипломиран земјоделски инжинер, моментално вработен во Државен инспекторат за земјоделство во Делчево;
6.Славица Димитрова-(ВМРО-ДПМНЕ)-Дипломиран социјален работник, моментално вработена во Центарот за социјални работи во Делчево;
7.Кристи Стојковски-(ВМРО-ДПМНЕ)-Апсолвент на факултет за дизајн и технологии на мебел и ентериер;
8.Денис Зенулов-(Демократски сојуз на ромите)-Моментално вработен во Општина Делчево;
9.Александра Димитровска-(ВМРО-ДПМНЕ)-Дипломиран правник, моментално вработена во Центарот за социјални работи во Делчево;
10. Оливера Ташевска-(ВМРО-ДПМНЕ)-Апсолвент на факултет по информатика, моментално невработена;
11.Драган Тодоровски-(ВМРО-ДПМНЕ)-Студент на Рударски факултет-Штип;
12.Валентина Даневска-ВМРО-ДПМНЕ)- Дипломиран професор по Македонски јазик, моментално вработена во ООУ “Св. Климент Охридски”-Делчево
13.Дејан Јовановски-(ВМРО-ДПМНЕ)-Дипломиран Технолог, моментално вработен во приватна компанија во Делчево;
14.Блаже Костадиновски-(ВМРО-ДПМНЕ)- Дипломиран шумарски инжинер, моментално вработен во Министерство за земјоделие, шумарство и водостопанство на Р. Македонија;
15.Ивана Михаиловска-(ВМРО-ДПМНЕ)-Магистер по казнено процесно право, положен правосуден испит.
