Во текот на вчерашниот ден Цветѕан Типуновски од ВМРО-ДПМНЕ објави документ на кој се гледа дека АД “Водостопанство” (јавна фирма во сопственост на сите граѓани на државата) имала склучено договор за изнајмување на градежна механизација на приватни правни субјекти за ископ на песок од речните корита и тоа по цени кои се пониски од пазарните цени.
Денеска во јавноста Цветан Типуновски објави документ со кој што се одбива барањето на општина Карбинци за интервенција на механизацијата на АД “Водостопанство” за чистење на дел речното корито на река Брегалница на потегот од с. Долни Балван до с. Теренци, со образложение дека АД Водостопанство нема расположива механизација за таа намена.
“Скандалот со злоупотреба на механизацијата во сопственост на АД Водостопанство продолжува
Имено, откако вчера објавив дека механизацијата на АД Водостопанство наместо за чистење на каналите, истата се изнајмувала на приватни фирми за багателни цени, денеска објавувам документ испратен од АД Водостопанство до општина Карбинци откако претходно општината побарала итна интервенција за расчистување на речното корито на реката Брегалница поточно на локација мост на локалниот пат село Долни Балван – село Теренци, истото тоа ја информира општина Карбинци дека нема расположлива градежна механизација за преземање на итни активности.
Замислете претпријатието во државна сопственост АД Водостопанство нема механизација да си ја врши работата кој со закон треба да ја врши, затоа што претходно истата таа механизација ја изнајмува на приватни фирми по багателни цени и наместо позитивно да одговори на барањето на општина Карбинци за чистење на речното корито на реката Брегалница кое се наоѓа во земјоделскиот регион на Кочанско – Штипско – Светиниколско поле, тие го одбиваат барањето и на тој начин го загрозуваат земјиштето и земјоделските посеви, и се само поради БИЗНИС ЗДЕЛКА со некои приватни фирми на кои им ја изнајмиле механизацијата по пола цена.
Очигледно е дека единствен интерес на оваа власт и Николовски Путерот како министер се само бизнис интересите и личните богатења на државна сметка.
Министерот за скандал Николовски Путерот воопшто не води никаква грижа ниту за земјоделците, ниту за земјоделските површини и поседи.
Неговото молчење е доказ дека се што објавувам е вистинито, мислејќи дека ако се скрие позади партиските соопштенија на СДСМ ќе успее да избега од правдата.
Но, се излажал. Времето на одговорност доаѓа и секој кој се огрешил пред законот соодветно ќе одговара.
Доста е неспособност. Доста е од негрижи.
Потребни се промени, кои многу набрзо ќе се случат.”
-соопшти Цветан Трипуновски од ВМРО-ДПМНЕ.
