Носителот на кандидатската листа на пратеници во третата изборна единица Игор Јанушев од редовите на Коалицијата за Обнова на Македонија денеска беше помеѓу жителите на Македонска Каменица.
Јанушев го посети градскиот пазар и се запозна со состојбите во производството и трговијата со земјоделските производи директно на терен и ги презентираше дел од мерките на идната влада на ВМРО-ДПМНЕ посветени на оваа огромна група на граѓани кои на некој начин се вклучени во оваа дејност.
Јанушев одовде упати и своја порака преку социјалните мрежи:
“Го посетив пазарот во Македонска Каменица, поделивме промотивен материјал и разговараме со граѓаните. Потоа се сретнав со младите и пензионерите за да размениме мислења во врска со проблемите што сите заеднички нѐ мачат. Им ја презентирав програмата и сите заедно се сложивме дека обнова е неопходна.
Обнова и ќе се случи. На 15 јули доаѓа нова ера за Македонија.
