Заев од СДСМ направи арамиско гнездо за брзо богатење на грбот на народот. Последниот таков пример е скопска Дрисла, каде се вплеткуваат оние ликови кои се препознатливи за криминалот последниве три години. Имате струмичка фирма, братучедска линија на функционер на Заев, и секако Петре Шилегов кој е тука да изменаџира.
И, додека луѓе умираат, тие со раката на гради, демек вознемирени, со другата рака го крадат народот. Молк, трет ден за аферата за набавката среде корона кризата во Дрисла и договорот во 4 очи за механизација од 12 милиони денари. Заев и Шилегов кој вобичаено имаат став за се, ама кога е “аванта” во прашање решија да се однесуваат по принципот “наведната глава сабја не ја сече”, важно да се “товара магарето”, па молчат.
Е арно, ама прашањата остануваат. Главното прашање е по кој критериум братучедот на сопругата на Рашкоски, кој е и директор на Дрисла, додели тендер на братучедот на Рашкоски од Струмица? Дали се запазени критериумите согласно закон или пресудна беше братучедската линија?
А, додека милионскиот тендер се прокнижи среде корона кризата, ќе потсетам – арамиското раководство на СДСМ удри по земјоделците, скрати 36 милиони денари од секторот Водостопанство, 30 милиони од проектот ХЕЦ Злетовица. Скратени се пари и за субвенции, вкупно 30 милиони помалку за субвенции и капитални трансфери.
Пари за тендери мора да има, ама за народ не. ОЈО се слушаме или сеуште Рускоска е зафатена со трас-трас одлуки?
П.С. – денес е 27 април, и ќе споменам за тоа дека во македонските затвори има и неправедно осудени со драконски казни. Но, времињата се менуваат, а оние кои треба да се плашат се вистинските криминалци. Не е грев да ја сакаш Македонија, но грев е да ја предадеш.
