Не пропуштија и во вакви кризни времиња да продолжат со старата и “излитена” реторика.
Има криза со Корона, ама Заев го залепија на билборди за да ни покажат дека имало светла иднина, колку и тоа лажливо и смешно да изгледа.
Манчевски не пропушти да нападне медиуми само затоа што не се по негова мера, а ако може ќе “нарача” уште некоја трас-трас одлука за затворска казна на новинар, а патем советуваше дека ако дошле на власт ќе избркале 20% од администрацијата, затоа што за три и пол години не успеале, имале поважни спортови – како крадењето.
Врвот на оваа траги-комедија се достигна кога вчера Мираковска ни порача дека ќе направеле реформи во судството, во истото тоа каде три и пол години “фрштат” Луј Витон куферчиња и кое Заев го амнестира од криминал.
И, таман човек ќе помисли ова е дното, тие ќе го пробијат, излезе Спасовски од штабот, пренесуван во живо на државната МИА, да не поучи дека не било битно дали ќе се прогласи кризна состојба, туку важно мерките да се применувале, човек не знае дали да се смее или да плаче.
Па, кризна состојба треба за да може владата во услови на распуштено Собрание да донесе мерки за здравјето на граѓаните и бизнисот, а не да го сваќате како хир на опозицијата и затоа да не го применувате. Надминете ја вашата кусогледа партиска матрица … или како што велат “од гредата во очите, не ја гледате шумата пред вас”!
За жал, следуваат кризни времиња и период на одлуки каде здравјето на граѓаните е пред се, затоа што секој живот вреди.
-фејсбук статус на Генералниот Секретар на ВМРО-ДПМНЕ Игор Јанушев.
