Утринава Македонскиот рок-пост-панк бенд Бернајс Пропаганда (Bernays Propaganda) го најавија својот петти студиски албум кој треба да излезе на 4-ти Септември за повеќе издавачи: Moonlee Records, Geenger Records, Pop Depression // Pop Depresija, Ill in the Head Records и Balkan Veliki Балкан Велики.
Ова издание следува по супер успешниот “Политика” кој беше издаден како четврт албум на бендот во 2016 година на кој се наоѓаат хитовите Лажи ме, Лажи ме, Армија, Политика, Сакав да се заљубам…. Кога подобро ќе размислам, сите песни од албумот ми се хитови.
Пред “Политика” бендот ги издаде “Машини за среќа” (Happiness Machines) во 2008 фодина, “Мојот личен одмор” (My personal holiday) во во 2010 година и “Забранета планета” во 2013 година.
Бендот истовремено ја најави својата пред-есенска турнеја која сега за сега се планира за Македонија, Србија, Хрватска, Словенија и Унгарија во месеците август и Септември.
