Општините Берово и Пехчево се вклучија во одбележувањето на ,,22 Септември – Ден без автомобили во рамки на ,,Европска недела на мобилност“. Во Пехчево настанот беше одбележан со организирање на крос натпревар. Крос натпреварот се одржа на булеварот Равен во период од 14:30 до 15:30 часот. Во трката учество зедоа учениците од VI (шесто) до IX (деветто) одделение од ООУ ,,Ванчо Китанов “. Во општина Берово активноста ја предводеа учениците од ООУ „Дедо Иљо Малешевски“, на кои им се приклучија и граѓани. За безбедно одвивање на настанот беше сообраќајот на улицата „Маршал Тито“ пред основното училиште, каде се беше ознаен стартот како и целта на кружното возење по улиците на градот кое се одвиваше од 11:00 h do 14:00 h. Другите 3 улици „Мирче Ацев“, „Моша Пијаде“ и „Партизанска“, преку кои помина велосипедистите беа прекинати само еден час. Инаку целта на кампањата во рамки на Европската недела на мобилност е да се развие дијалог помеѓу сите засегнати страни за различни аспекти на движење (мобилност), да се предлагаат и тестираат иновативни сообраќајни решенија, нови технологии или мерки за планирање на урбаниот транспорт со што ќе се намали употребата на автомобили и ќе се редуцираат емисиите на штетни гасови во воздухот.
Европската недела на мобилност е кампања која се одржува од 16-22 септември, а промовира визија на градски улици на кои не доминираат моторните возила. Тоа е недела на велосипедистите, пешаците, возачите на ролери, тротинети, скејт-борди, корисниците на инвалидски колички, на сите учесници во сообраќајот кои не ја загадуваат животната средина, не прават бучава, не го заземаат животниот простор на своите сограѓани.
