Шилегов на една од претходниците седници на Советот на Градот Скопје напомена дека Владата ќе ги обезбеди средствата, за набавка на нови 40 автобуси на ЈСП, но Владата по се изгледа нема намера да покрива ништо , и останува финансискиот дел да тежнее врз јавното претпријатие.
Советникот Јован Лазаров од СПМ и коалицијата “ За подобра Македонија “ запраша дали ќе поскапат билетите со оглед на ситуацијата.
Што е со оние 100 милиони денари што ги симнавте од буџетот на Град Скопје под изговор дека Владата ќе ги обезбеди овие средства? Сега викате дека ЈСП ќе земело кредит, а самото претпријатие нема никаква финансиска кондиција. А дали тоа значи дека ќе поскапи превозот на патниците, со цел ЈСП да ги врати парите за кредитот,
-запраша Лазаров.
Шилегов додаде дека ова ќе биде старт на новиот концепт на превоз во Градот Скопје, и дека немало потреба да се оптоварува буџетот со 100 милиони денари кои би се искористиле за купување на нови автобуси. Владата нема да даде пари , но ќе гарантирала за кредитот кој би се зел.
Градоначалникот не одговори конкретно зошто го оптоварува буџетот на ЈСП, и колку ќе се движат новите цени на билетите.
