Утре (понеделник) во 9.00 часот производителите на тутун најавуваат блокада на откупниот пункт во општина Карбинци. Ваквата протестна мерка на производителите на жолтото злато следува по катастрофално ниските откупни цени кои што ги нуди самата откупна компанија за предаден килограм тутун. Оваа година тутунот од годинешната реколта според сите најави ќе постигне во овој регион ќе постигне просечна цена од 120-130 денари, што за разлика од минатогодишната цена која изнесуваше околу 200 денари ќе донесе целосна пропаст и уништување на семејната егзистенција на над 150 семејства кои работат и живеат во регионот на руралните средини на планината Плачковица и во нејзиното подножје.
Драстичната разлика во просечната цена на овогодинешнава реколта за предаден килограм тутун во споредба со минатите години добро упатените познавачи на состојбата како проблем ја лоцираат во дозволата на Владата на Зоран Заев приватните откупни центри да вршат увоз на тутун од странство, кој што иако е со послаб квалитет ќе биде пакуван како Македонски за понатамошните потреби на тутунската индустрија. На краток рок ваквата пракса ќе овозможи загрозување на егзистенцијата на тутунопроизводителите во целиот Брегалнички регион но и во цела држава, а на долг рок ќе значи намалување на девизните приливи во Македонија поради нарушениот квалитет но и производствени количини кои ги очекуваат светските тутунски брендови.
