Во пресрет од навршувањето на една година од мандатот на градоначалникот Благој Бочварски претседателот на Општинскиот Комитет на ВМРО-ДПМНЕ Штип, Иван Јорданов упати отворена покана до градоначалникот на Општина Штип за ТВ дуел на кој ќе дебатираат за работата на актуелната локална власт и актуелниот градоначалник. Јорданов во поканата истакна:
-почитуван Градоначалник,
Ве повикувам да одберете медиум и време и заедно да ги спротивставиме аргументите пред граѓаните на општина Штип, за да ги презентирате сите оние работи кои што сте ги направиле и како и сите пари што сте ги потрошиле во изминатиот период.
Време е да се споредат фактите со ветеното, за да можат граѓаните самостојно да извлечат заклучок за Вашето неработење во досегашниот мандат.
Затоа што, транспарентноста не е само збор, тоа се конкретни чекори и дела со кои треба да ја оправдате довербата пред граѓаните!
Ваквата покана беше експресно одбиена од страна на градоначалникот Благој Бочварски. Наместо ТВ дуел Бочварски му одговори на Јорданов дека се гледале на секоја седница на совет и таму можело да му постави прашање.
