На последната седница на Советот на Општина Штип беше усвоен годишниот план за вработувања во општината. Според него оваа и идната година се планира да се вработат 20 нови лица. Овие нови вработувања ќе ги чинат граѓаните ни помалку ни повеќе туку 100.000 евра народни пари. Соња Китанова, секретар на Општина Штип истакна дека ќе се вработуваат: Систем администратор за ИТ мрежи, зголемен обем на работа во Одделение за услуги на граѓаните – односи со заедниците, економист-контрола на финансиско работење, зголемен обем на работа во Одделение за урбанизам каде ќе се вработат двајца правници, сообраќаен инженер, едно вработување во Секторот за образование, јавни дејности и ЛЕР и градежен инспектор.
Интересен е фактот што актуелниот градоначалник во минатото беше критичар на тоа да се вработува во државната администрација. Но очигледно дека тоа било само за пред камери, сега кога се наоѓа на фотељата која значи локална власт за само три месеци го докажува сосема спротивното. Она што кружи низ штипската чаршија е дека сите овие нови вработувања се под партиската капа на СДСМ и оној кој сака да работи на некое од овие места прво мора да го помине партискиот филтер на кадровската комисија на ОО СДСМ-Штип.
Ова секако дека не ги исполнува очекувањата на граѓаните кои чекаат нови проекти а не превработување на општинските канцеларии. Ова секако дека се коси и со политиката која ја ветуваше градоначалникот Бочварски. Во многу наврати можеше да се слушне дека тој ќе нуди подеднаква шанса за секој граѓанин без да ги дели по ниту една основа, меѓутоа и ова по се изгледа било маркетингшски трик. Граѓаните умеат нардоски да кажат „без членска на СДСМ“ не бидува ништо.
