Кандидатот за градоначалник на општина Лозово Бошко Цветковски од редовите на ВМРО-ДПМНЕ ја алармира јавноста за проблемите со образовниот процес во ООУ M.M. Брицо во Лозово каде се уште нема назначено наставници по Англиски јазик и по Географија.
Според Цветковски ваквата состојба е резултат на личните хирови на градоначалникот на општината кој што не дава согласност за ангажирање на наставниците.
Дополнително Бошко Цветковски упатува јавно прашање во врска со образованието на актуелниот градоначалник кој што е повторен кандидат на СДСМ за градоначалник на Лозово за наредните 4 години.
Целата реакција на Кандидатот за градоначалник на Лозово Бошко Цветковски ја пренесуваме во продолжение:
“Започна новата учебна година, но за жал, според информациите кои ги имам, во ООУ М.М. Брицо Лозово сеуште нема наставници по Географија и Англиски јазик бидејки Градоначалникот Велковски не потпишува согласност за ангажирање на Наставници!
Јавно прашање до Градоначалникот?!До кога планира да си ги лечи своите лични фрустрации на штета на образованието?!
Дали и до кога треба да трпи образовниот процес?!Тоа ли е “НАЈДОБРОТО ЗА НАШАТА ОПШТИНА” што го промовираат?! И кога веќе зборуваме за образование, Велковски да одговори дали поседува Факултетска Диплома со звање: “ДИПЛОМИРАН ЕКОНОМИСТ” како што се претставуваше на официјалниот сајт на Општина ЛОЗОВО? Или има средно полициско?
Ако поседува, зошто тогаш образованието е избришано од сајтот на Општина Лозово?! Дали Велковски лажел за образованието?!
п.с. Ова се прашањата на кои треба да одговори Градоначалникот во заминување..”
-напиша Бошко Цветковски на фејсбук.
