Од општинскиот комитет на ВМРО-ДПМНЕ од Штип реагираа со соопштение во јавноста во врска со најавите на градоначалникот на Штип Благој Бочварски за изградба на браната на реката Отиња.
Имено во неколку наврати градоначалникот Бочварски изнесе во јавноста дека техничката документација е комплетирана и дека само што не е излезено одобрението за градба, додека наспроти него Министерот за транспорт и врски се огласи дека постапката е далеку од одобрение за градба затоа што недостига важен документ во техничката документација.
Во продолжение во целост го пренесуваме соопштението до јавноста во врска со оваа тема:
“Почитувани,
Градоначалникот Бочварски си игра со граѓаните. Подолг период ја замајува штипската јавност дека конечно ја комплетирал техничката документација за брана на р. Отиња и го очекува одобрението за градба. Но, министерот за транспорт и врски вчера му ја плесна вистината во лице. Не само што нема комплетна документација, туку фали круцијален документ – позитивно мислење од ИЗИИС! Тоа значи дека општината е далеку и од одобрение, и од тендер за изградба на брана!
Ова е доказ дека Градоначалникот ја манипулира јавноста со невистини, ги држи граѓаните во состојба на исчекување и лаже пред избори, при што очекува рејтинг за ниту еден завршен проект!”
–соопштуваат од ОК на ВМРО-ДПМНЕ Штип.
