Еден од најстарите во светот, прилепскиот Интернационален скулпторски симпозиум организиран од Центарот за современа ликовна уметност – Прилеп, одбележа 55 години од своето постоење.
Во таа чест, во Центарот за култура „Марко Цепенков“ се организира свеченост, на која присуствува голем број посетители од културниот и јавен живот. Претседателот на Центарот за современа ликовна уметност, Горан Ристески ја отвори свеченоста :
„Ми претставува посебна чест и задоволство што минатата година прославивме 60 години од првата Интернационална сликарска колонија. Годинава одбележуваме 55 години од скулпторскиот симпозиум, а веќе следната година прославуваме 25 години од Интернационалното атеље за скулптура во метал“.
Во изминатите пет и пол децении, на Интернационалниот скулпторски симпозиум учество зеле 164 скулптори од повеќе од 25 држави од светот.
Годинава, покрај двајцата учесници од Македонија, на симпозиумот учествуваат и четворица скулптори од Шпанија, Хрватска, Србија и Црна Гора.
