По повод 23 Октомври денот на Македонската револуционерна борба градонааликот на општина Виница Миле Петков упати честитка до сите граѓани на Виница и сите Македонци во Македонија и насекаде во светот.
“Почитувани сограѓани,
Ми претставува големо задоволство од името на Општина Виница и од свое лично име, да ви го
честитам големиот државен празник, 23 Октомври – Денот на Македонската револуционерна борба.
Овој голем национален празник е потсетник за првата семакедонска организација и нејзината најголема цел да го обедини македонскиот народ и да ја исполни вековната желба за слободна татковина. На овој ден се потсетуваме на истрајноста и пожртвуваноста на нашите претци, но и одлучноста и нескршливата волја за слобода и независност.
На 23 октомври 1893 година во куќата на Иван Хаџи Николов во Солун, Христо Татарчев, Даме Груев, Петар Поп Арсов, Антон Димитров и Христо Ботанџиев е формиран Македонскиот револуционерен комитет од кој подоцна произлезе Внатрешно македонската револуционерна организација (ВМРО).
Со тоа почна организираното македонско револуционерно движење кое преку Илинден 1903 и Крушевската Република, преку НОВ резултира со создавање самостојна македонска држава.
Нека е вечен споменот за македонските револуционери!
Нека е честит големиот празник 23 Октомври – Денот на Македонската револуционерна борба!”
-стои во честитката на Миле Петков- Градоначалник на општина Виница.
