Грчкиот премиер Алексис Ципрас изјави дека презема политичка одговорност за ужасниот пожар во Грција, во кој животите ги загубија 87 лица. “ Го свикав денеска Министерскиот совет пред се затоа што сакам пред грчкиот народ, целосно да ја преземам политичката одговорност за трагедијата. Тоа е нешто што се подразбира за премиерот и за владата. Имам и агонија, дали реагиравме правилно, дали реагиравме правилно во критичните часови, дали можеме да сториме нешто повеќе, дали можевме да спасиме барем еден живот повеќе од оние што неправедно заминаа. Индикациите што ги испитуваат надлежните органи водат до заклучокот дека зад смртоносните пожари имавме подметнувања. Должни сме, сега и веднаш да ја организираме на најдобар можен начин одбраната на државата и општеството за таков вид на криминални дела.” – изјави Ципрас во воведното обраќање на вонредната владина седница. Грчкиот премиер додаде и дека ова е тежок момент, „можеби најтешкиот во мандатот“ и додаде дека чувствата му се измешани.
Ципрас – Целата одговорност за пожарите е моја
