Во свое соопштение до јавноста Општинскиот комитет на ВМРО-ДПМНЕ изнесува фрапантни податоци за стандардот на живеење на жителите на Кочани.
Станува збор за износ на чинење на некои трошоци со кои доминантно се дефинира животниот стандард на населението кои влијаат тековно на семејниот буџет и расходи по лице.
Во продолжение ја пренесуваме интегрално анализата направена од страна Општинскиот комитет на ВМРО-ДПМНЕ од Кочани со јасна слика како истите овие трошоци се дефинирани за граѓаните на останатите општини во регионот:
“Според дадените вредности превземени од Регистарот на цени и закупнини што го води Агенцијата за катастар на недвижности дадени во статијата на Вечер, можеме да видиме дека закупнините во Кочани се на ниво на закупнините во Охрид. Така, стан од 50 квадрати во Битола се изнајмува за 122 евра, во Куманово за 106 евра, во Кочани за осумдесетина евра, во Охрид само за 78 евра, во Штип за 63 евра, а во Струмица квадрат станбена површина се изнајмува за нецело евро
🔺Кочани има убедливо најскапа вода за пиење, само за споредба м3 за домаќинство во Кочани чини 39.95 ден а во Скопје 18.0 ден, м3 отпадна во Кочани се наплаќа 12.75 ден, а во Скопје 10.43ден.
Сето ова ги прави сметките за вода на кочанчани повисоки за најмалку 110% од оние кои ги добиваат скопјани.
🔺Според податоците на Државен завод за статистика Најмали просечни плати добиваат работниците во Штип, Кочани, Делчево, Виница, Пробиштип и во Берово!
🔺Кочани е град со голем број на социјални случаи, имаме над 500 корисници на социјална помош, само за споредба Пробиштип има околу 80 корисници.
🔺Како дополнителен хендикеп на живеењето во Кочани е тоа што веќе неколку месеци има епидемија од жолтица, покрај опасноста од зараза, останува и фактот што градинките не вршат упис на деца па родителите за цело ова време неможат да си ги запишат децата во градинка.
🔺Кочани ја доби титулата најзагаден град во Источна Македонија и според ниво на загаденост и според број на денови со висока загаденост.
Високите цени на закупнини во Кочани, најскапата вода која ја плаќаме во комбинација со најзагадениот воздух и ниските просечни плати го прави живеењето во Кочани најскапо и најнапорно во цела Македонија!
Ова се само дел од причините што младите масовно се иселуваат од истокот на земјата, а Кочани се претвора во инфраструктурна дупка без никаква перспектива ама за жал ниту еден од наведените проблеми не го засега градоначалникот.
#КОЛЕктивнаАгонија“
-стои во соопштението за јавност на ОК на ВМРО-ДПМНЕ од Кочани.
