Веќе наголемо се форсира тезата дека референдумот за Договорот со Грција мора да биде успешен. Притоа, успешноста на Референдумот се оценува преку неговите резултати, што е неприфатливо. Имено, успешноста на некој референдум – вклучувајќи го и овој, за името – не смее да се цени врз основа на неговите резултати, туку врз основа на тоа дали бил о д р ж а н. Ако бил одржан, тогаш дали бил одржан според Уставот и законите, од една страна и, од друга, дали референдумското прашање било прецизно дефинирано. Нормално, и дали поминал р е г у л а р н о – со инциденти или без нив.
Сѐ друго, вклучувајќи ги и резултатите од референдумот, е небитно во оценувањето на регуларноста на било кој референдум. Ако успешноста на некој референдум се оценува низ призмата на резултатите, е исто како успешноста на некое гласање да се определува врз основа на тоа дали нечии очекувања се оствариле или не, што е целосно с у б ј е к т и в е н пристап, бидејќи она што е за некого очекувано и пожелно, за друг не мора да е. Затоа, само со почитување на претходните услови/критериуми може да се оцени успешноста на некој референдум, како и о д г о в о р н о с т а на власта, бидејќи токму таа е задолжена, што значи и одговорна, за успешното спроведување на некој референдум.
Единствено оние кои бегаат од сопствената одговорност успешноста на Референдумот ја сведуваат само на неговите резултати. Меѓутоа, изминува времето на неодговрното и субјективното/автократско однесување.
Во наредниот период, содржината/принципите на овој пост ќе ги објавам повеќепати, бидејќи знаењето е исто толку моќно оружје, како што се протестите и другите видови акции, кои се во согласнот со Уставот и законите на Република Македонија, кои ќе мора да се почитуваат, бидејќи безаконието нужно води кон уште поголемо безаконие.
Не може Уставот и законите да се суспендираат заради нечии желби/соништа, бидејќи тоа води кон в о л у н т а р и з а м од најдолен вид.
Превземено од фејсбук
