Во една своја објава од пред три дена носителката на листата на кандидати за пратеници од Коалицијата за Обнова на Македонија Проф. Д-р Гордана Силјановска Давкова упати своја порака во врска со неуспешниот референдум и незаконските и неуставни постапки кои што власта предводена од Зоран Заев и СДСМ ги превзеде со што на брутален начин го промени името на Република Македонија.
Силјановска Давкова по тој повод напиша:
“Да ви кажам нешто околу името на нашата држава. Јас лично нема никогаш да го користам тоа наметнато име и секогаш ќе велам Македонија. Референдумот беше неуспешен и тој факт никој не може да го промени.
Нам ни треба во еден погоден момент, во Собранието, да го направиме она што го направија и тие! Има и полесен начин. Уставниот суд слободно може да одлучи дека се што е по референдумот направено е НЕУСТАВНО и НЕЗАКОНСКИ.
Одговорно тврдам дека пред секој суд може да се покрене постапка за кршење на задолжителното меѓународно право, за кое еминентни светски професори, кажаа дека е повредено преку Преспанскиот договор.
Името не сме го измислиле туку сме го наследиле и немаме право да го менуваме, поради нашите предци, но и поради нашите поколенија.
