На денешниот семакедонски протест инициран и организиран од поединци од Македонската дијаспора ширум светот, се појавија и децата на осудените уставобранители кои побараа слобода за своите родители заедно со илјадниците Македонски граѓани кои мирно и достоинствено протестираа по скопските улици пред најодговорните институции (владата и парламентот) за актуелната состојба со неправдата и недостигот на демократија и човечки права во државата.
Злоделото на надлежните институции и обвинителско-судските органи што неправедно ги осудија уставобранителите за настаните на 27 април 2017 година во Македонското собрание, е повеќе од очигледно со оглед на длабоката партизација и политизација на судството во функција на политички разврски во државата.
Луѓето кои влегоа во МАкедонското собрание на 27 април во ниту еден случај не се терористи, како што се осудени во осудителните акти од страна на судот, а токму поради ваквите драконски казни најмногу страдаат семејствата на неправедно осудените уставобранители.
Додека Македонската држава во својата судско-обвинителска пракса амнестираше вистински терористи кои со оружје во рака убиваа припадници на Македонските безбедносни служби но и невини граѓани во војната во 2001 година, овие луѓе кои протестираа против се она што потоа навистина се случи со Македонија,се осудени на драконски казни за дело тероризам што е чиста измислица и конструкција на политичко мотивираното судство.
Поддршката за слобода на уставобранителите од денешниот семакедонски протест на илјадници Македонски граѓани е со силна порака која што актуелните власти не сакаат да ја слушнат, но таа постои и ќе опстои.
