Богданка Кузеска од СДСМ денеска од партиската говорница во седиштето на СДСМ во Скопје го искажа партискиот став во однос на денешниот семакедонски протест.
Таа протестот го поистовети со ВМРО-ДПМНЕ без партиски стгав за упатените барања на илјадниците граѓани кои протестираа денеска по улиците во Скопје.
За Кузеска и за СДСМ во обид за минимизирање на важноста на денешниот протест, според кажаното на прес конференцијата, било поважно тоа што Претседателот на ВМРО-ДПМНЕ учествува на протестот, многу повеќе одколку барањата на граѓаните кои протестираа, и за кои не кажаа дали ги одбиваат или поддржуваат како владеачка партија.
Оттука целиот прес на Богданка Кузеска од СДСМ беше тематски наменет за напад врз опозициската ВМРО-ДПМНЕ без слух за барањата на илјадниците Македонски граѓани кои протестираа.
Во продолжение интегрално го пренесуваме текстот од прес конференцијата на Богданка Кузеска од СДСМ:
“Денеска ВМРО-ДПМНЕ повторно се враќа на местото на злосторот, денеска ВМРО-ДПМНЕ предводена од Христијан Мицкоски повторно протестира за одбрана на насилството.
Старо ВМРО-ДПМНЕ, стара песна остатоци од мрачното минато денеска излегоа на улица, го славеа насилството и режимот со истата хушкачка реторика, со истата насилничка кореографија од пред четири години и со прекршување на протоколите за заштита од ковид 19.
Христијан Мицкоски, Јанко Бачев, Димитар Апасиев, инсталациите на Никола Груевски денеска застанаа зад насилството, зад осудените лица кои упаднаа во Собрането на 27 за да спречат транзиција на власта и да ја погазат волјата на народот.
На 27 април 2017 на крвавиот четврток, вооружени насилници упаднаа во Собранието и се обидоа да убијат пратеници, новинари и вработени во собраниските служби, тоа го виде целата домашна и меѓународна јавност.
Крвави глави, тепани пратениците, под закана новинари, претепани пратеници кои завршија во кома, тоа се нечовечки дела на насилници. Насилници не се уставобранители и никогаш нема да бидат.
Денеска, Мицкоски кој и самиот беше дел од толпата пред Собранието на крвавиот четврток, застана токму зад овие осудени насилници, застана на браникот на криминалот и насилството.
Поддржан од неговите соработници и извршители, Апасив и Бачев, Мицкоски ги реализира нарачките од неговиот ментор во Будимпешта, Никола Груевски.
Единствена цел на Мицкоски е да ги одбрани криминалите во редовите на неговата партија и неговиот шеф Груевски.
Мицкоски е остаток од режимското минато, потрчко на Груевски и Мијалков кој работи на штета на граѓаните и државата, но криминалот нема да го одбрани. Одговорност за сите криминали, вклучително и за организаторите на крвавиот четврток мора да има и ќе има.”
