“Само видете кои лица, партии итн. се ЗА бришење на идентитетот и за бугаризација на Македонците и ќе ви стане јасно.
Дали сега е појасно колкава штета направија Заев, Шекеринска и Пендаровски и Ковачевски во период од 5 години?
Дојдоа со девиза за подобар живот, се колнеа во децата и предците дека идентитетот, името и Уставот нема да ги чепкаат и дека ќе работат на економија.
Што добивме?
Наместо подобар живот, цело време се занимаваат со националните прашања, односно ги распродаваат. Сменија име, прифаќаат договор кој најпрво го одбија поради притисокот од народот, за после некој ден да го прифатат истиот предлог нудејќи ни го како модифициран.
Тоа што некој со генерации го создавал, овие златољупци го распродадоа за 5 години.
Зошто? Има ли некое логично објаснување?
Како може да си Македонец и да прифатиш да те бугаризираат? И не само што ќе прифатиш, туку и да ги разубедуваш останатите дека е СЕ’ во ред, кога знаеш дека не е?
Секој што релативизира и се обидува предавството и бугаризирањето кое го прават и сакаат да ни го прикажат како визинерство за имагинарно членство во ЕУ, е соучесник во бришењето на македонскиот народ и не заслужува да се нарече Македонец.”
-фејсбук статус на пратеникот Драган Ковачки од ВМРО-ДПМНЕ.
