Овој “француско-европски” предлог само кажува до каде сме стигнати благодарение на корумпирани, лесно купливи, лесно уценети и скроз недоветни политичари, премиери, министри.
Овој божемен ќорсокак во кој не ставаат и мислат дека ќе минат лесно преку неколку статии, изјави, фејсбук и твитер статуси, па и купопродажба на пратеници (не само тие, ами и некакви си европратеници, комесари и други странски авторитети) е само одраз на ниското мислење кое го имаат за нас како народ и ниските очекувања кои ги имаат за нашата демократија и развој.
Ќе пуштат еден двајца “авторитети”, љубимци на оваа и онаа публика и готово. Прифаќаме се’. Чим ЕУ вика, чим Америка вика, чим Пендаровски, Зоки, Венко…мора да е така.
Ова е само доказ дека ни треба сериозен рестарт и француски клуч за демонтирање на партиите, институциите, судството….системот.
Се’ од почеток.
Можеби еден убав сончев ден ќе излезе дека целата оваа шарада со „францускиот“ предлог и лобирањето на поедини ЕУРОпејци за негово прифаќање е ништо повеќе од платена политичка програма каква не ќе и е прв пат нити на Европа, нити нам.
Колку и да сака Европа да стои на позициите на една нејзина земја членка, чудно е што земји-членки и нивни претставници во ЕУ институциите кои претходно се спротиставуваа на ваквата рамка сега ги нема никаде. Или никој не ги прашува, едноставно, не ги мобилизира(л) во преговорите. Затоа пак, слушаме само еднострани информации и изјави за тоа како мора сега, мора ова….верувајте и на владата, не ја слушајте дури ни Софија која ликува во моментот и слави победа врз нас.
Чудно е како сме доведени пред свршен чин без апсолутно никаква реална дебата претходно, уште помалку пак сега. Презентирање на предлогот кој упорно тврдиш дека мора да се прифати и не е баш дебата, нит е слушање туѓи мислења, особено на добар дел од граѓаните кои се засегнати. Пошто не, ова не е најдобриот предлог. Нит ќе е последниот само е најдоброто што сме можеле да го добиеме од преговарач ко Бујар кому, толкав му е капацитетот, толкав му е и поривот да не заштити нас (хе-хе) и внесе во ЕУ, истовремено. Се чини дека слабо се искористени било какви домашни експерти, странски експерти, слабо се лобирало, слабо се застапувало… слабо едноставно.
Пишува: Стојне Тодоровска
