Денеска на прес конференција од партиското седиште Антонијо Милошоски ги објави имињата на уште десет кандидати за градоначалници за претстојните Локални избори во октомври кои што се предлагаат од опозициската ВМРО-ДПМНЕ.
Кандидат за градоначалник од редовите на ВМРО-ДПМНЕ за Делчево е Николчо Стојменовски чие што име во минатите неколку недели се шпекулираше како најсоодветен кандидат кој што може да се спротивстави на актуелниот градоначалник на Делчево Горан Трајковски од СДСМ.
Николчо Стојменовски е високореспектиран и угледен ветеринарен лекар со долгогодишна пракса како во Делчево така и во соседна Бугарија и Германија. Стојменовски е надпартиски кандидат кој со својот општествен углед ги надминува партиските граници и млад и способен човек кој што заедно со сите делчевчани без разлика на идеолошките разлики може и ќе создаде широко обединување на сите граѓани во интерес на развојот на Делчево.
Токму поради ваквиот негов капацитет и заложби Николчо Стојменовски е предложен за соодветен против кандидат на актуелниот градоначалник на Делчево Горан Трајковски под чија што градоначалничка палка партизираноста на општината достигна загрижувачки граници, со длабоки поделби помеѓу жителите на Делчево.
Со потребата на новите времиња во политиката во Делчево Николчо Стојменовски како ново лице за градоначалник е најсоодветен кандидат во Делчево кој што може да ги обедини сите делчевци во име на прогресот на општината во наредните 4 години.
Импресивната предиборна програма за чија што реализација ќе се заложи Николчо Стојменовски во наредните 4 години е дополнителен мотив овој млад граѓанин на Делчево да ја побара довербата на сите делчевчани со чија што поддршка истата ќе биде реализирана во целост во наредните 4 години. Со тоа Делчево конечно да исчекори од бездната на постојана регресија, исселување и сиромаштија што е рак рана на оваа општина од истокот на државата. Во програмата дознаваме дека биде застапен иновативен пристап за спроведување на локални политики преку реализација на точно дефинирани проекти за сите граѓани на општината. Главен фокус во неговата програма се економските политики преку имплементација на проекти за Локален економски развој во сите сфери особено во земјоделието, како и импозантните капитални проекти со кои што ќе се промени изгледот на Делчево на подобро.
