Опозициската ВМРО-ДПМНЕ денеска сабота 03.10.2020 година во 18.30 часот пред Министерството за правда излегува на протест против неправдите, реваншизмот и политичкото насилство.
Целокупната Македонска јавност е сведок на бруталната партизација на државата во секоја нејзина пора, со цел за одржување на власт на Зоран Заев и СДСМ. Репресијата над политичките неистомисленици со власта е на највисоко можно ниво со прогон на секаква слободоумна мисла во Република Македонија. Лагите и неостварените ветувања во изминатиот период од страна на СДСМ и Зоран Заев доведоа до вртоглаво тонење на негивиот рејтинг со што режимот посегна по методите кои што беа својствени на СДСМ во втората половина на 90-тите години од минатиот век кога во налет на промената на власта која што се случи во 1998 година СДСМ премина на брутални пресметки со политичките неистомисленици и грабеж на сите расположиви сретства во државата за сопствено богатење.
Ваквата слика која што ја гледаме на отворена сцена во изминатиот период од повеќе месеци ја доведе државата на дното од нејзиното постоење како независна држава. Политиката веќе не е ни важна за СДСМ и Зоран Заев. Наместо тоа гледаме купи ден- продај за што е можно подолго да се одржи власта.
Наспроти ваквата погубна состојба во државата демократското изразување на протест од страна на ВМРО-ДПМНЕ зема се поголем замав со што многу бргу ќе дојде денот кога дури и Зоран Заев ќе увиди дека неговото владеење е повеќе од готово,
За денешниот протест опозициската ВМРО-ДПМНЕ ќе протестира токму против оние манифестации кои што власта ги покажува како ранет шакал пред колапс.
“Мафија на власт, колку повеќе тоне во својот криминал и корупција, толку повеќе удира по својот народ и политичките неистомисленици. Оваа власт во недостаток на успеси и во услови на секојдневни порази на секое поле, сѐ повеќе се врти кон политички прогон и застрашување.Министерот за неправда наместо да прави реформи, јавно се заканува и им прејудицира казни на сите кои не мислат како Заев. Тоа е таа Заев-неправда по рецептот јавно да се најавуваат пресудите и од страна на Заев и од страна на министер за правда и од страна на обвинители и судии. Мафијата работи по принципот, МАФИЈА ТЕ ТУЖИ,МАФИЈА ТЕ СУДИ.Затоа гледаме стотици случаи кајшто мафијата на власт удира по новинари, удира по опозицијата, удира и по народот. Кацарска е наградена со место во Уставниот суд. СЈО ги изеде народните пари, а народот не виде правда.
Селективната Луј Витон правда не е правда, туку маша како да се заштити криминалот на екипата на Заев.Оние судии и обвинители кои работат по директивата на Заев потоа се унапредуваат и наградуваат. Тоа народот го гледа и затоа довербата во правосудството е минорно. Народот и ВМРО-ДПМНЕ ќе се спротивстави на неправдата и на мафијата на чело на Заев која владее султански со Македонија.Доаѓа време кога овој султанизам ќе падне и кога мафијата ќе одговара за целата неправда заедно со нивните помагачи и слепи послушници кои го газат својот народ.
Во сабота, во 18:30 часот, збирно место пред министерството за правда, улица Македонија, плоштадот, до Основното јавно обвинителсто.
Протестираме против неправди, реваншизам и политичко насилство!
Се гледаме!”
-стои во соопштението на ВМРО-ДПМНЕ во врска со денешниот протест.
