Денеска на прес конференција пред општинската зграда советникот од редовите на ВМРО-ДПМНЕ Љубе Здравков ја прозва локалната власт за нереализираното ветување за изградба на главен колектор на реката Брегалница како и за изградба на пречистителна станица за отпадни води.
Од опозицискаската ВМРО-ДПМНЕ соопштија дека локалната власт предводена од СДСМ само 25% ја има реализирано предизборната програма на Благој Бочварски кој поради неостварените ветување се скри зад министерската фотеља оставајки некој друг да се прави “неудрен” за неговите нерализирани проекти.
Во продолжение во целост ја пренесуваме прес конференцијата на Љубе Здравков од ВМРО-ДПМНЕ од Штип:
“Мандатот на оваа локална власт, која до неодамна беше предводена од министерот за транспорт и врски, ќе ја паметиме по бројните ветувања, кои за жал не се остварија.
Едно од тие ветувања, кое пред Штипјани беше презентирано како проблем што мора по итна постапка да се реши, беше и изградбата на главен колектор и пречистителна станица на р. Брегалница.
Бочваски велеше, цитирам “Фекалните отпадни води од населбата Балканска исто така се излеваат во реката Брегалница и претставуваат потенцијален извор на зарази, особено за најмладите”
Затоа, редно е Локалната самоуправа предводена од СДСМ да им одговорат на граѓаните: До каде е ветената реконструкција на главниот градски колектор во должина од 2,5 километри, на потег од АРМ до 8ми Ноември?
Дали со превземањето на власта од СДС, престанаа да се излеваат фекални отпадни и отровни води во р. Брегалница?
Дали кога СДС е на власт, фекалните и еколошките проблеми во Штип, магично исчезнуваат?
До кога штипјани ќе ги лажете со вашите изборни програми?
Кој ќе преземе одговорност за изборната програма на СДС, која има 25% ниво на реализација и после 3 години од превземањето на Локалната самоуправа?”
