Претседателот на Општинскиот комитет на ВМРО-ДПМНЕ од Пробиштип Маријан Миленковски го обвини Градоначалникот на Пробиштип Драган Анастасов Ладич за популизам и непознавање на термминологијата и законските норми во врска со најавениот Дом за стари лица во Пробиштип.
Градоначалникот треба да одлучи прво за што ќе го узурпира половина од просторот во Здравствениот дом. Дали тоа ќе биде геријатриско одделение како што има напишано во списокот на желби наречен Програма на СДСМ или во дом за стари лица како што изјави вчера. Тоа се потполно две различни нешта Градоначалник,
-изјави Маријан Миленковски од ВМРО-ДПМНЕ.
Ние како политичка партија сме и ја чувствуваме потребата за отворање на дом за стари лица, нешто кое што и впрочем беше во нашата изборна програма. Но не овде и не во таа установа (Здравствениот дом во Пробиштип), во која што претходната власт вложи многу. Од реновирање, набавка на опрема, санитетски возила, а најмногу се инвестираше во специјалистички кадри, кадри кои за 2 години се враќаат во функција на пациентите.
-дополни во продолжение Претседателот на ОК на ВМРО-ДПМНЕ од Пробиштип.
Во продолжение проследете го пресот на Маријан Миленковски од 11.10.2019 година.
Претходно во соопштение за јавноста Градоначалникот Анастасов ја најави реализацијата на Домот за стари лица во свое соопштение до јавноста:
Сакам да ве известам дека проектот „Дом за стари лица“ односно преадаптација на дел од зградата при Здравствен дом „Нада Михајлова“ е веќе отпочнат. Ова значи дека делот од зградата, којшто во најголем дел стои неискористен со децении наназад, односно од самото негово отворање, ќе биде целосно искористен и преадаприран во Дом за стари лица.
Истовремено, оној мал дел што во моментот се користи од Здравствениот дом, а физички припаѓа на овој дел, по сеопфатните направени анализи, ќе биде преместен во другиот дел од зградата, каде што има празни неискористени простории, со што и Здравствениот дом „Нада Михајлова“ ќе биде просторно поорганизиран.
-соопшти првично Градоначалникот на општина Пробиштип Драган Анастасов Ладич, по што на прес конференцијата од ВМРО-ДПМНЕ реагираа од кабинетот на Градоначалникот:
Отварањето на Дом за стари лица е повеќе од потребно за Пробиштип и со големо одобрување е прифатено од граѓаните и по никоја основа нема да го наруши работењето во Здравствениот дом, токму напротив, она што беше оставено на забот на времето, препуштено да се распаѓа, го реновираме и го правиме функционално и корисно за граѓаните. Реалноста во Пробиштип и фактите говорат за една поинаква состојба од онаа која др. Миленковски како политичар ја прочита од скапо платениот партиски идиот.
По ваквата реакција од страна на градоначалникот, од ОК на ВМРО-ДПМНЕ Пробиштип попладнево повторно реагираа со следното соопштение:
Челниците на СДС Пробиштип денес го достигнаа своето дно со изјавата дека ништо не е направено во поглед на здравствената заштита во здравствениот дом во Пробиштип. Освен обиди за лична дискретидација не добивме одговор каде ќе бидат сместени породилиштето и породилната сала, аудиометарот, собата за лекови, неуропсихијаторот, специјалистот по ОРЛ, салата за обдукција, идниот невролог, кардиолог, педијатар, интернист. Бидејќи ова е целиот блок на зградата која овој градоначалник со тотално непознавање на реалната состојба и без јавна дебата се обидува да ја узурпира, а што не е ни за изненадување според начинот на неговото делување и неговото животно искуство.
Затоа жалиме градоначалниче за Вас, а ние како опозиција алармиравме, сега оставаме на медицинскиот персонал во здравствениот дом, докторската фела и на пациентите да го кажат последниот збор. Од нив зависи дали ќе сме жртви на неспособноста и незнаењето на овие локални власти и нивните локални пајташи.
P.S.
Бидејќи мора да го спуштиме нивото на комуникација со Вас (согласно Вашата реторика) ќе ви дадаме одговор.
Телепромптерот што го користиме (а за кој веќе неколку години, во сите пресови наназад, очајно го посакувате) е со вредност од 1.200 денари.
Од друга страна колку чинат и каде се сместени Вашите партиски “идиоти”?
