Почитувани сегашни и поранешни припадници на полицијата, ви го честитам денешниот празник.
Ви благодарам на истрајноста и пожртвуваноста во извршувањето на секојдневните редовни и многу често вонредни обврски со кои се справувате. За жал, тие обврски понекогаш ве изложуваат и на непредвидливи ризици пред кои не потклекнувате. Токму поради тоа, ја имате почитта од граѓаните.
Вие сте столбот на безбедноста на државата и достојни чувари на мирот на граѓаните.
Ви посакувам да продолжите да го градите заедништвото и колегијалноста оти само таква полиција може да се справи со предизвиците кои ни претстојат.
Останете професионални, чесни, не подлегнувајте на притисоци и на непринципиелни понуди, држете ја професијата секогаш на прво место.
Бидете бескомпромисни во борбата со криминалот и во спроведувањето на законите. Тоа нашиот народ го заслужува и го очекува.
Честит 7 мај – Ден на македонската полиција
