“Првиот човек на АНБ ќе одел на мисија надвор од Македонија, односно ќе бил амбасадор во Франција.
Кадрите на СДСМ се евакуираат на безбедни позиции.
Но, дали некој го расчисти сомнежот за директорот на АНБ кој според Викиликс бил “во џебот на Србија”?
Тој што треба тоа да го расчисти, односно Директорот на ДБКИ (дирекција за безбедност на класифицирани информации), истиот оној кој пред некој ден требаше да се појави во ОЈО затоа што постои сомнеж дека земал мито токму за упатување на лица во мисии надвор од Македонија, деновиве избегал на службен пат во Данска.
Значи, надлежниот не само што не истражил, туку и му издал сертификат за пристап до највисоките тајни на државата на номинираниот амбасадор.
Не сум слушнал за држава која за амбасадори назначува лица за кои има сомнеж дека се “во џеб” на туѓа држава.
Ваквиот аматеризам и неодговорност се недозволиви и прават непоправливи штети на угледот на државата и на македонските национални интереси.”
-фејсбук статус на пратеникот Драган Ковачки.
