Пратеникот Драган Ковачки денекска во рамки на расправата за донесување на измените на Законот за служба во АРМ од собраниската говорница на пленарната седница упати своја кратка реплика во насока на разобличување на намерите на актуелното владеачко мнозинство во однос на постапката за донесување на измените на овој закон.
“Со предавници не планирам да општам ниту да разговарам”,
-рече на почетокот на својата реплика пратеникот Ковачки по што продолжи:
…”затоа гледам горе, вие гледајте долу, затоа што таму треба да ви оди погледот. Кој клевети и лаже ќе си го прашате вашиот врховен командант во една негова песна имаше така убаво опеано за него.
На двапати досега го поднесувавме законот за измени за Служба во АРМ, на два пати по скратена и на двапати по идна постапка. Ова владеачко мнозинство како што се собираше да го врши предавството на Република Македонија, досега можеше да се собере и да го изгласаме овој закон. Значи јавно даваме поддршка, еве уште еднаш кажувам- јавно даваме поддршка за овој закон. Зошто ова досега не можете да го направите? Дали се внатрешни проблемите во коалицијата, помеѓу вас што не можете да се усогласите, јас тука не навлегувам, меѓутоа припадниците на АРМ страдаат токму заради вас, заради вашата неодлучност, заради вашата неинвентивност… “
-соопшти од собраниската говорница пратеникот Драган Ковачки.
