Со дополнителна прес конференција за вистинско разобличување на состојбата со проблемот кој што беше истакнат од страна на ОК на ВМРО-ДПМНЕ од Штип поврзан со намалувањето на бодот на пожарникарите од актуелната локална власт за која што известивме тука, според кој бод пожарникарите земаат плата од ЕЛС Штип.
Во продолжение во целост ја пренесуваме содржината на дополнителната прес конференција на ВМРО-ДПМНЕ од Штип:
Очигледно е дека Градоначалникот е неинформиран, па затоа прави лоша услуга на неговата партија со дадените изјави.
Имено, проблемот со пожарникарите не е настанат од претходниот мандат, ниту во мандатот пред него, туку проблемот кој го имаат пожарникарите е настанат токму во време кога на власт е неговата матична партија, или за информација во 2004 година.
Со територијалната поделба на Македонија истата година и децентрализација на државата, надлежноста за пожарникарите од Министерството за внатрешни работи се префрли на Локалните самоуправи. Со тоа, не само што се намалија привилегиите и правата на пожарникарите, туку се намалија и нивните месечни примања, како резултат на неподготвеноста на Локалните самоуправи за оваа надлежност.
Во 2017 година, токму ВМРО-ДПМНЕ покажа интерес за зголемување на правата и платите на пожарникарите за 20%, со донесување на Законот за пожарникарство, со кој оваа категорија го добива вистинското место во системот.
Меѓутоа, во 2018 година, Општина Штип прави дрска манипулација со покачувањата, при што, Согласно Законот дава покачување на пожарникарите, а ја намалува вредноста на бодот. Така се намалува платата на пожарникарите, иако наводно добиваат покачување.
СДСМ ги излажаа пожарникарите пред изборите, а тоа се обидуваат да го прават и сега. Ова е лоша манипулација со вработените и дезавуирање на јавноста. Ова е сериозна оштета на Буџетот на Општина Штип во судски спорови и безпредметно трошење на народните пари!
Ако оправдувањето за оваа постапка е немањето пари во буџетот, тогаш зошто не се направи ребаланс на Буџетот за 2018 година, како што се направи за Фудбалскиот клуб Брегалница, или пак да се предвидат средства за плати на пожарникарите во Буџетот за 2019 година?
ВМРО-ДПМНЕ апелира да се удостојат пожарникарите и да им се гарантираат нивните права, затоа што, на крајот од денот, тие ја имаат една од најблагородните професии!
