Општината Карбинци и градоначалникот Виктор Паунов успеаа да обезбедат финансии за реализација на проектот за доградба на детската градинка “Кокичиња” на задоволство на сите семејства кои се на листа на чекање долг период за да ги сместат своите дечиња во предучилишниот воспитно-образовен процес.
Станува збор за инвестиција од 14,7 милиони денари кои што се обезбедени од МТСП со која ќе се обезбедат услови за дополнителни 50 дечиња кои ќе влезат во детската градинка за развој во нивниот воспитно образовен процес.
“Официјално е одобрен проектот за доградба на детската градинка ,,Кокичиња” од страната на Министерството за Труд и Социјална политика со капацитет од плус 50 деца во вредност од 14.700.000 денари. Сите постапки кои беа обврска ма општина Карбинци се завршени.
Во следниот период ќе започне и постапката за објава на јавната набавка со што ќе избере изведувач и надзор.
Со оваа доградба ќе добиеме нови занимални со дополнителни содржини, а чекањето за упис на дечиња ќе стане минато. 
“
-информираше денес во јавноста градоначалникот Виктор Паунов во врска со реализацијата на овој значаен проект.
