Овие фотографии во прилог на оваа наша статија се од родната куќа на војводата Александар Сандо Китанов.
Негрижата на властите во Бугарија кон ова наследство говори за значењето кој што го имал овој војвода за бугарската држава некогаш но и сега.
Ова нека биде уште еден лајт мотив на “шнајдерите” во македонско-бугарската комисија на историчари, која стои како кројач над Македонската историја со цел да биде распарчена и поништена.
АЛЕКСАНДАР – САНДО КИТАНОВ, е македонски војвода роден 1881 година во селото Лешко, Горна Џумаја (денес Благоевград), Пиринска Македонија.
Во редовите на ВМРО стапува уште како ученик, а подоцна станува член на комитетот на ВМРО во Горна Џумаја.
Во 1901 заедно со Јане Сандански учествува во аферата Мис Стон како комита во четата на Христо Чернопеев. Подоцна бил комита и во четата на Гоце Делчев.
По Илинденското востание станува околиски војвода во Малешевијата и Кукушко.
На 23 декември 1906 година, во битка со турскиот аскер, заедно со Даме Груев и уште двајца комити загинува на врвот Петлец, во близината на селото Русиново, Беровско.
Сандо Китанов до крај остана верен на македонските идеали, и непоколеблив следбеник на делото на Сандански, Гоце Делчев и Даме Груев.
