Уживање во глетката на нови европски филмови под ѕвездите, танцување на прекрасна музика до изгрејсонце, зачинето со податокот дека се се случува на плажа.
Од 19-ти до 22-ри јули, на “Beach Film Festival”, локација – плажата Оревче.
Првата фестивалска вечер ќе започне со проекција на хрватскиот филм, “Осмиот комесар”, на која ќе присуствува и режисерот на овој филм, Иван Салај.
Ќе се емитуваат и филмови од Турција, Данска, Англија, Естонија, како и многу други земји. Многу присутни од филмската индустрија се очекуваат на овој настан, меѓу кои Stoya, Лазар Бодрожа, Беверли Лавли, Артур Страхков, а жири комисијата е составена од реномирани имиња од филмската идустрија: Јелена Јованова, Марјан Алчевски, Весна Дамчевска.
Во ревијалната, последна вечер, ќе се прикажува филмот “Исцелител”, која ќе ја има својата премиера пред охридската публика.
Примамлив податок е што во петок, на 20-ти јули, филмот “ Holiday”, посетителите ќе имаат можност да го погледнат на бродот “ Галеб”, кој ќе плови на релација Охрид- плажа Оревче. Останати долгометражни филмови кои ќе се прикажуваат се: “Digging”, “Ederlezi Rising”, “ Wish to wash with the rain”.
После секоја проекција на филмовите, ќе следат настапи на македонски и интернационални изведувачи: RIB, Cyrillic, Palindrom, DJ Klara Vedis, Sajsi MC, Foltin и други. Овој фестивал ги спојува музиката и филмот на плажа, а ќе ги воодушеви љубителите на магичноста.
