ВМРО-ДПМНЕ добива нов силен ветар во грб со млади, перспективни и капацитативни кадрови решенија во Унијата на млади сили на ВМРО-ДПМНЕ ширум Македонија.
На синоќешната седница на Извршниот комитет на УМС на ВМРО-ДПМНЕ беа избрани 53 претседатели на општински ограноци на Унијата на млади сили на ВМРО-ДПМНЕ.
За нов претседател на Општинскиот комитет на Унијата на млади сили на ВМРО-ДПМНЕ во Делчево е избран Гоце Ѓоргиевски.
Гоце е успешен млад човек кој што без разлика на неговата возраст има постигнато голем број на успеси за еден млад човек. Тој е еден од милениците на делчевската спортска јавност како ракометар со постигнати голем број победи за својот ракометен тим.
Моментално Гоце е студент на Медицинскиот Универзитет во Софија.
Гоце Ѓоргиевски доаѓа на местото Претседател на УМС на ВМРО-ДПМНЕ Делчево заменувајки го Кристи Стојковски кој беше повеќе од еден мандат на оваа партиска позиција.
Унијата на млади сили на ВМРО-ДПМНЕ е формирана на 6 Април 1991 година со одлука на партискиот Конгрес во Прилеп. Таа претставува континуитет на историската младинска организација која ги ширела идеалите за независна и самостојна Република Македонија.Низ годините, Унијата на млади сили прерасна во носечка сила на ВМРО-ДПМНЕ, сила која ја движи партијата напред кон нови победи и успеси. Работата и напорот на сите досегашни членови на Унијата на млади сили на ВМРО-ДПМНЕ е видлива во сегашниот капацитет и подготвеност на УМС да игра значајна улога во животот на младите луѓе. Многу големи жртви, издржливост, трпеливост и пред се, љубов, верба и надеж се во темелот на најјаката младинска организација во Македонија – Унијата на млади сили на ВМРО-ДПМНЕ.
