Во тек е изградба на велосипадска патека кон локалитетот Илин Камен во атарот на село Ѕвегор во должина од 720 метри со вкупен износ на чинење од безмалку 5 милиони денари. Актуелниот градоначалник Горан Трајковски во време кога се распишани избори, на социјалните мрежи се пофали со текот на реализацијата на овој проект, без објаснување зошто не го исполни своето ветување од 2017 година пред жителите на село Ѕвегор дека ќе обезбеди решавање на проблемот со водоснабдување за домаќинствата во селото.
Жителите на село Ѕвегор имаат постојан недостиг на вода за пиење и користење за домаќинствата поради дотраениот водоводен систем кој што ѕвегорци со сопствени сретства го имаат градено во минатото. Со недостигот на вода во домаќинствата како основен ресурс за живот во 21 век трпи стандардот на живеење во селото, со што жителите се приморани секој на свој начин да се снабдува со вода како знае и умее.
Ваквата погрешна приоретизација на проектите од страна на локалната власт во Делчево може да доведе до ситуација во делчевските села да има улици и патеки а да нема жители кои што во недостиг на основни услови за живот мигрираат настрана од своите родни места.
Дополнително како аргумент за овој погрешен начин за утврдување на приоритети од страна на актуелниот градоначалник Горан Трајковски ќе го наведеме и фактот што цели населби живеат секојдневно во постојани кал и прашина со неизградени улици како во населбите така и во централното градско подрачје во Делчево каде постои урбанизација, а реализацијата на овој проект подразбира изградба на патека во планина која ја користат само определена група на граѓани и туристи ваквата патека.
Во иднина на Делчево му е потребна дефинитивна промена на начинот на приоретизација на проектите најмногу поради фактот што граѓаните на општина Делчево масовно заминуваат во странство поради ваквите погрешни политики на локалните власти.
