Во петокот на 3 септември своја филмска премиера на големото платно на филскиот фестивал во Венеција имаше филмот Дина (Dune) кој што претставува последна (втора) екранизација на едно од најпознатите литературни дела во светот на научната фантастика- романот Dune од авторот Френк Херберт (Frank Herbert).
Со импресивна актерска и продукциска екипа филмот Dune во режија на Дени Вилнев (Denis Villeneuve) според негови лични зборови ја претставува само едната поливина од содржината која е застапена во романот на Френк Херберт. Според многу филмски критичари кои имаа можност да го погледнат филмот на неговата светска претпремиера на биеналето на филмскиот фестивал во Венеција во петокот, оваа филмска екранизација содржи многу повеќе од оригиналниот материјал од она што го декларира неговиот режисер.
Дина е дело на висока интелектуална сопственост на нејзиниот автор кое што има оставено цивилизациско влијание во модерниот популарен свет како и во светот на културата и суб-културата воопшто. Моменти на инспирација од ова дели имаат црпено голем број на светски етаблирани автори, пред се филмскиот режисер и визионер Џорџ Ликас кој што го создаде вонвременскиот свет на Војна на Ѕвездите.
Дина е футуристичка геополитичка алегорија која што во себе содржи елементи на анти-корпоративност, про-еко-радикализам и Исламофилство што во огромна мера ги таргетира овие суштински прашања за текот наа развојот на човечката цивилизација сега и во иднина.
Ова долго очекувано филмско остварување следува по филмската екранизација од страна на филмскиот режисер и визионер Дејвид Линч во 1984 година и по екранизацијата во вид на серија во 2000 година. Својата светска фестивалска премиера ја имаше на фестивалот во Венеција во петокот а во продолжение во видеото може да погледнете каква беше атмосферата на црвениот тепих при пристигнувањето на ѕвездите од филмот на самата премиера:
Во кино салите ширум светот како и на мрежата на HBO платформата на интернет филмот ќе биде пуштен синхронизирано на 22 Октомври.
