Во интервју од пред два денови гитаристот на бендот Блек Лејбл Сосајати (Black Label Society) Зак Вајлд ја најави новата музичка турнеја на бендот Пантера за наредната 2023 година.
Во постава со оригиналните преостанати двајца членови од бендот вокалот Фил Анселмо и басистот Рекс Браун, гитарата ќе ја свири Зак Вајлд а бубњевите ќе бидат доверени на Чарли Бенанте од метал бендот Антракс.
Ова шоу кое што ќе биде прикажано нема да биде реактивирање на бендот Пантера туку едноставно прослава на музиката која што бендот зад себе ја има оставено заедно со оригиналниот и неповторлив гитарист Дајмбег Дерел и бубњарот Вини Пол. Уште кога бил жив Вини Пол имало разговори со Зак Вајлд да се придружи на бендот ПАнтера во замена на трагично загинатиот гитарист Дајмбег Дарел, но тогаш не се остварила соработката.
Сега за претстојната 2023 година извесно е дека рекативација на звукот на еден од највлијателните музички бендови на сите времиња ќе се случи на интерес на ордите фанови ширум светот кои Пантера ги стекна во текот на своето постоење.
