По претставувањето на на 35 Интернационален филмски фестивал во Токио и прикажувањето на филмот на фестивалот “Златен коњ” во Тајпеј, најновиот филм на Милчо Манчевски “Кајмак” ќе ја има својата премиера пред Македонската публика.
На 17 ноември во четврток “Кајмак” ќе биде прикажан одеднаш во сите кино сали низ Македонија каде што има технички услови за проекцијата.
“Кајмак“ ќе игра во цела Македонија од 17-ти ноември. Направивме напор филмот да го донесеме во секое кино, каде има техничка можност за прикажување.
Киноприкажувањето низ Македонија започнува во четврток, 17 ноември и закажано е во Гостивар, Пробиштип, Делчево, Кавадарци, Крива Паланка, Куманово, Виница, Крушево, Струмица, Македонска Каменица, Тетово, Дебар, Берово, Неготино, Богданци, Кратово, Радовиш, Струга, Кичево, Охрид, Свети Николе, Прилеп и Штип. Премиерата во Битола и Гевгелија е закажана за 23 ноември. Во Скопје од 17 ноември филмот ќе игра во кината на Синеплекс и Милениум.”
-информираат од менаџментот за дистрибуција на филмот.
