Градоначалникот на општина Лозово Бошко Цветковски заедно со директорот на комуналното претпријатие Јордан Илиевски по големото невреме со ветар со огромна брзина кое ја зафати општината синоќа во попладневните часови околу 18.00 часот беа присутни на терен со цел за воочување и брза реакција во однос на штетите кои беа предизвикани по безбедноста на граѓаните и материјалните движни и недвижни ствари.
Лично Градоначалникот и директорот ја координираа и учествуваа во акцијата на вработените во комуналното претпријатие, територијалната противпожарна единица и граѓаните, за расчистување на јавната инфраструктура и приватни имоти и пружија поддршка и помош на засегнатите граѓани кои претрпеа голема штета од силниот ветар.
Акцијата се одвиваше до доцните часови во атарот на селото Милино каде што беше загрозена безбедноста на сообраќајот на локалните сообраќајни врски но материјална штета ретрпеле и повеќе индивидуални куќи од налетот на ветрот кој носел габаритни предмети кои ја направиле штетата.
Градоначалникот Цветковски упати благодарност до сите вработени во надлежните институции кои со полна подготвеност реагираа веднаш на лице место во спроведувањето на самата акција за справување со последиците од невремето.
