Градскиот стадион во Штип се наоѓа во катастрофална состојба. Истиот пред една година доби реконструкција на теренот кој доби нова дренажа и систем за наводнување на тревата и за прв пат се овозможи во Штип да се игра вечерн фудбал под рефлектори. Сето ова беше инвестиција од ФФМ од близу 800 ијлади евра. Стадионот требаше да добие и нови трибини и подтрибински простор како и нови соблекувални. Наместо ова, тревата на стадионот се исуши и сега наликува на запустена ливада. Уредувањето околу истиот речиси и да не постои а тоа што е изградено во континуитет се распаѓа. Соблекувалните за фудбалерите и персоналот наликуваат на напуштен објект без елементарни услови кои им се потребни на фудбалските работници. Бидејќи стадионот е во сопственост на Општина Штип останува надлежните во што е можно најкус рок да ги санираат ваквите состојби и да им овозможат на љубителите на фудбалот да уживаат во играта на европски уреден стадион. Сега за сега состојбата на целиот стадион не е за игра ниту на нисколигаши а не пак за европски фудбал, до кога ќе биде така останува да видиме, ветувања до сега слушнавме многу а реализации малку.
