Претседателот на ВМРО-ДПМНЕ како ниеден друг политичар од Македонија денеска излезе помеѓу нашинците во Благоевград кои што присуствуваа на отварањето на Македонскиот клуб “Никола Вапцаров”.
Тој е прв висок политичар од Македонија кој што на јавен настан во Бугарија, без никакво двоумење соопшти дека ги поддржува Македонците од таа страна на границата.
“Да го поддржиме отворањето на овој клуб, да ги поддржиме нашинците, Македонците од оваа страна на границата. И да испратиме јасна порака дека ние сме Македонци кои што зборуваат македонски јазик и доаѓаат од Македонија.
И за тоа во 21 век веќе не треба никој нити да има дилема, нити треба воопшто да разговара.
Треба да се почитува правото на самоопределување. А, нашето право да се самоопределиме како Македонци е неприкосновено и загарантирано со сите меѓународни акти.
Затоа сме денеска тука да ги поддржиме нашите Македонци во Бугарија. “
-соопшти Христијан Мицкоски во изјава за јавноста пред Македонскиот клуб во Благоевград.
