Прес конференција на претставник од Независниот синдикат на полицијата:
НСП со изминатите два одржани пресови пред јавноста докажа дека нема зла намера кон актуелното раководство на МВР и дека во ниту еден момент нема намера тенденциозно на јавноста да и бидат пласирани состојби кои се далеку од реалноста, туку има за цел само и само да ги подобри работните услови на сите Полициски службеници.
Дел од демантот на МВР даден после првиот прес веќе е расчистен. Имено на ден 09.04.2019 година Министерството на прашање од новинарите јасно кажа дека во ПС за ГП и ГН Џепиште односно состојбата на тамошниот премин е очајна и нема струја, вода, тоалет притоа истакнувајќи дека ќе се заложи во најбрз можен рок проблемот кој јавно го прикажавме да биде отстранет, од тука мислиме дека јасно се гледа дека ние немаме намера да правиме тенденциозни пресови туку како што напоменавме само да ја прикажеме реалната состојба со која ние се соочуваме секојдневно. Сваќајќи ја сериозно нашата задача ќе си земеме за право да побараме одговорност од оној кој ги лиферува демантите на Министерството бараме јавно извинување и известување колкава е штетата која се предизвикува со прикажување на јавноста на непроверени деманти и информации.
Ние како Синдикат дадовме шанса а некој со давање на погрешни насоки реши истата да биде отфрлена, а ние како синдикат да бидеме оставени на маргините. Се додека е така ние ќе продолжиме со она што најдобро го знаеме а тоа презентација на реалната слика во МВР пред јавноста.
Оваа прилика НСП ќе ја искористи да потсети дека Полицијата била и ќе остане темел на безбедноста почнувајќи од поединецот, семејството а се разбира и безбедноста на државата. Во таа смисла го изразуваме нашето цврсто убедување дека, најсигурна инвестиција за безбедност е враќањето на достоинството на полицискиот службеник, правејќи максимални напори за подигнување на статусот на Полицискиот службеник по сите основи, а од синдикален аспект посебно на статусот на вработените на оваа исклучително важна област за секое општество.
Сликите кои ќе ги презентираме веднаш може да проверите дали се вистинити или не и доволно е да побарате увид во најблиската полициска станица за да стане јасно дека нашата цел не е да штетиме туку да помогнеме на институцијата која смета дека ние сме нанесувале ненадоместлива штета.
Господо од Министерството во очекување на вашиот демант и прикажување на сликата дека Посевната единица за подршка добила панцири не заборавете да и кажете на Македонската јавност дека тие панцири се со заштитни плочи со поминат рок од десетици и повеќе години.
За оние кои го лажат Министерот ќе прашаме до кога ќе му давате информации и лажни вести и до кога во Министерството ќе употребувате панцири од 1991 година, Шлемови од 1991 и за жал замислете Заштитни маски кои последната контрола ја имале и се постари од сите вработени во МВР односно еве ви една жална слика која вика дека оваа заштитна маска за жал последниот технички преглед го имала во 1961 година. За ова слика во МВР треба да се засрамат сите досегашни раководства кои со ова не ја почитуваат ниту основната вредност за заштита на животот на вработените во МВР.
Достоинството ќе го вратиме тоа го чуствуваат и колегите, бројот на оние кои деновиве пристапуваат и ни даваат јавна подршка расте од час во час и всушност тие се токму таа сила која вие за жал се обидувате да ја растурите.
Само кренат глас ќе се слушне, само крената глава гледа сонце.
