“ Ако сум имал задача да го убијам Зоран Заев како што се вели во обвинението, тоа ме прави платен убиец. Кој будала покрај толку специјални единици, млади од 20 до 30 години, ќе најми 47-годишен ветеринарен техничар, со дијабетeис и притисок 200 со 100 да убие премиер. Ако сум платен убиец кој треба да изврши убиство, зоште влегувам на предната врата, кога луѓе влегувале од споредните влезови? Како ќе бидам сконцентриран прецизно да го извршам убиството кога се туркам со луѓе и лутам еден час додека дојдам до прес-центарот. Така уморен јас вратата нема да ја погодам, а не па човек. Ако сум платен убиец зар ќе влезам без маска, по маица со кратки ракави, без ракавици. Јас сум маркантен човек и лесно влегувам во кадарот на собраниските камери. Која земја би ме заштитила како убиец на премиер? Јас не сум премногу интелигентен, но добро знам дека врати на законодавен дом не можат насилно да се отворат, тие се безбедносно заштитени, па и да сум супер херој нема да можам тоа да го сторам.”
– изјавил Игор Југ во своја одбрана на судскиот процес, кој е еден од 33 обвинети за настаните на 27 април минатата година.
