Оваа пандемија ќе не врати на местото каде се формираше човештвото и каде хуманоста не постоеше бидејќи немаше homo sapiens. Жално! Сите оние манипулации со болните, од опремата до гуша до тркалањето боци, од негата, медицината па некаде и метлата во Ковид центрите и сега да нема еден прием?!
Бегале младите а? Дали ,,белиот мантил” на Прва линија, во Ковид центрите и на Вакциналните пунктови, во прв втор и трет бран заслужил прием кај Министерот?? Ова било поголем предизвик од цела Ковид криза!? Сите знаеме дека со години наназад се соочуваме со намален број на медицински сестри и техничари. Во овој период кога сме навистина многу потребни во што поголем број и тоа како се чувствува потребата од персонал од нашата бранша наидуваме на незаинтересираност од страна на институциите за решавање на нашето болно прашање, а тоа е признавање на ДИПЛОМИТЕ од Високата школа и Специјализации те. Ќе се јави понекој, здружение ли или синдикат ќе каже два три збора и толку…ќе те пофалат колку си екстра и приказната до тука. Закон за мед.техничари и сестри сеуште нема.Сите работат исто, но не се платени според степен на образование?!
Бегале а? Веќе е пракса во Македонија во сите ЈЗУ на раководни места да се ставаат кадри со несоодветно образование, најчесто така на диво (читај;партиски кадри), а знаеме добро колку се кадарни и ако образованието не е мерило.Во оние држави од ЕУ за кои толку се филозофира и се стремиме има критериуми, филтри, едукации, нишани и 300 бакрачи пред еден Парамедик да влезе на Ургентен или на Итна помош.
Дали во таа Европата на прв оглас се вработува лице без систематизација на образование и тоа директно главна на оддел??
За таа Европа ли ми говорите? Кај нас еден техничар работи за двајца на Запад.И се додека нашите менаџери немаат слух и вид и не го препознаваат учениот дел на оваа професија а дел од нив не сакаат, намерно или ненамерно да го препознаат…така, и оние малку што се заинтересирани да го поделат знаењето со своите колеги и да допринесуваат во матичните институции веќе размислуваат да помине пандемијата, и да заминат од земјата. Овој колективен проблем создаде група од 250 техничари и сестри од различни партии, вери и убедувања во едно Здружување за признавање на дипломите од Високата здравствена школа и Специјализациите и магистратурите. Дали ќе биде анекс или систематизација ние бараме некакво решение, сега, а не post festum…но исто така, БАРАМЕ целосно решавање на статусот на мед.сестри и техничари преку Решавање на самата професија со Закон! Оваа група исклучиво се бори за оваа цел а сите добронамерни совети и помош од сите фактори ќе бидат прифатени без да се измести првичниот дискурс.
Сите членови имаат поднесено уредни барања до Директорите но нема позитивен одговор како што нема и прием кај Министерот!?
П.С.Закон за оваа група на здравствени работници и решавање на професијата!!
Пишува: Гоце Марков-Дипломиран здравствен работник Спец. по Семејна и Патронажна медицина
