На 20-ти јануари во спортската сала ОУ ,,Никола Карев”- Кочани се одржа спортски настан кој ги плени вниманието и љубопитноста на голем број учесници и посетители.
Во понеделникот во Кочани се реализираше стручен испит за полагање на носители на боречки појаси во боречката вештина Реално Аикидо.
Оваа боречка вештина е се поатрактивна помеѓу младите во Кочани за што говорат и бројките на млади деца и младинци кои ги посетуваат часовите по Реално аикидо во реализација три боречки клубови кои работат и егзистираат во срцето на Брегалничкиот регион.
На испитот полагаа шеесетина ученици од трите клуба кои функционираат на територијата на општините Кочани, Зрновци и Чешиново-Облешево. Под будното око на М-р Николчо Гоцев, КРА,, Нико” и тренер-мајсторите Кирил Апостолов, Оливер Серафимов, Гоце Марков, Кире Јованов, Станче Минов и Љупка Јорданова беа постигнати одлични резултати со оваа генерација на љубители и практикувачи на оваа дисциплина која зема се поголем замав во Кочани и блиските населени места и градови.
Комисијата за оценка на полагачите била во состав:
Ѓуро Илиќ-претседател на Реaл Аикидо федерацијата 7-ми Дан и
Јордан Христовски од КРА,, Кеико”-Скопје 4тти Дан
Поради големата конкуренција комисијата одлучи освен дипломите и појасите, да ги наградат и најдобрите Андреа Димитрова и Михаил __________.
Самоконтролата, правилниот физички раст и развој и силните моторички способности кои ги развива ја прават бр. 1 на избор за децата во светот и кај нас.
Искрено на овие млади борци им посакуваме да продолжат со истото темпо со уште поголеми резултати.
Фото: Ивона Вареловска
