Унгарскиот премиер Виктор Орбан утре ќе ја посети Белата куќа и ќе оствари средба со американскиот претседател Доналд Трамп.
Ова е историски важна посета за цела Југоисточна Европа, а оваа година Орбан е единствениот премиер што ќе има прием во Белата куќа. – Претседателот Доналд Трамп ќе го пречека унгарскиот премиер Виктор Орбан во Белата куќа на 13 мај 2019 година.
Препознавајќи ги долготрајните врски меѓу САД и Унгарија, претседателот и премиерот ќе разговараат за начините за продлабочување на соработката на голем број прашања, вклучувајќи трговија, енергија и сајбер-безбедност.
Како лидери на сојузниците на НАТО, тие исто така ќе ги истражат можностите за исполнување на многуте национални безбедносни одговорности на двете земји и ќе ја прослават 20-годишнината на Унгарија како членка на НАТО.
– пишуваат од Белата куќа.
