Денеска во центарот на Штип своја прес конференција имаше кандидатот за пратеник од Коалицијата за Обнова на Македонија предводена од ВМРО-ДПМНЕ Иван Јорданов од третата изборна единица.
Текстот на неговата прес конференција го пренесуваме интегрално во продолжение:
“После овие избори, после победата на ВМРО-ДПМНЕ, Истокот повторно ќе го добие приматот кој го заслужува. Во Програмата Обнова се предвидени низа проекти за раст и развој на источниот регион, нешто кое не беше случај изминативе 3 години.
Предвидуваме завршување на експресните патишта од Штип кон Кочани и Радовиш, ќе ја завршиме Клиничката болница во застој, ќе го изгеадиме Магистралниот гасовод Штип ‒ Радовиш ‒ Струмица ‒ Гевгелија, ќе изградиме делница за поврзување на Технолошко-индустриската развојна зона во Штип, ќе стимулираме инвестиции во спа и здравствени центри, како и многу други проекти.
Ние мора да го завршиме тоа што одамна беше почнато, а неспособна та влада на СДС не го доврши. Ние мора да понудиме иднина на граѓаните во која ќе живеат квалитетно. Затоа, почитувани сограѓани, Обновата е патот по кој треба да тргнеме заедно во наредниот период!”
