На 15 октомври, од 12: 30 часот, во Центарот за култура „Григор Прличев“ во Охрид ќе биде отворена изложбата со наслов „Изгубениот свет на сефардските Евреи од западниот Балкан“. Изложбата ќе го претстави животот и судбината на Евреите на Балканот.
Изложбата е заеднички проект на Центропа и Меморијалниот центар на холокаустот на Евреите од Македонија и таа го отсликува 20-тиот век прикажан преку пет интервјуа на Центропа направени со Евреи од западниот Балкан, кои го преживеале холокаустот. Изложбата е на македонски јазик, но ќе има дел и на англиски и албански јазик.
